Dhurandhar Record breaking collection
Kisne socha hoga Bollywood mein ek din aisa bhi aayega jab teeno Khan, Hrithik Roshan ya phir Ranbir Kapoor pe Ranbir Singh ka cinema bhaari pad jaayega.
Lekin bachcha-bachcha jaanta hai iska credit jitna Ranbir ko nahi milega, usse zyada Aditya Dhar ko dena padega, jinhone unhe Dhurandhar bana kar poore Bollywood mein bawaal la diya.
Box Office Par Aisi Tabahi Pehle Kabhi Nahi Dekhi
Box office ki aisi chheer-phaad na toh pehle kabhi dekhi gayi hai, aur shayad hi dobara dekhne ko mile.
Theatre mein seats kam pad gayi, log zameen par letne tak ko tayaar ho gaye.
Sirf 1 ghante mein 70,000+ tickets bik gaye.
Sunke yakeen nahi hota, aur wo bhi tab jab film sirf North Belt mein chal rahi hai.
Na dusri languages mein dub hui, na zyada screens mili, upar se jabardast negative campaign aur andarooni politics.
Fir bhi…
Public ne sabko majboor kar diya.
Nafrat Pe Pyaar Bhaari Pad Gaya
Nafrat pe pyaar bhaari pad gaya. Kachhua jaise shuru hone wali film par sawal uth rahe the ki kya ye apna budget cross bhi kar paayegi ya nahi.
Aur sirf 9 din ke andar, film ne triple century maar di aur apna budget bhi paar kar liya.
Samajhne ke liye compare karo— saal ki sabse badi Bollywood film Chhaava ko 300 crore touch karne mein 10 din lage, aur viral sensation Sayara ko 17 din.
Second Week Mein Zyada Kamai?
Bahut rare hota hai jab film second week mein first week se zyada kamati hai,
lekin Dhurandhar hai toh mumkin hai.
Aditya Dhar ne aisa history likh diya ki bana-banaya Bollywood ka system hil gaya.
Hindi Cinema Ka Sabse Bada Second Friday & Saturday
Hindi cinema ke history ka sabse bada second Friday—
aur sirf yahin ruk jaata toh bhi kaafi tha.
Lekin last 24 hours mein jo hua,
aur agle 24 mein jo hone wala hai,
uske baad poora Indian cinema—North, South, East, West— koi chain se nahi so paayega.
Na koi superstar ka sahara, na spy universe ka connection,
na sequel factor, na koi South ka champion director.
Sirf Aditya Dhar ka vision aur Akshay Khanna ka talent.
Result?
History ka sabse bada second Saturday collection.
Numbers Sunke Hairaani Hogi
Second Saturday ka collection—
55 crore ke bilkul kareeb.
Public demand par raat 12 baje ke baad tak extra shows add hue aur Sunday ko film 60 crore ke paar jaane wali hai.
Matlab sirf 48 ghante mein, Dhurandhar 100–120 crore ka milestone touch kar legi.
South vs Bollywood Comparison
Thodi sharm ki baat hai ki Hindi cinema ki lifetime highest grossing film
abhi bhi South se aati hai—Pushpa 2.
Bollywood mein
Stree 2 600 club ko chhoo ke laut aayi,
Chhaava 550 ke baad slow ho gayi.
Pushpa 2 ne
600 khola,
700 mein entry maari,
aur 800 club ka challenge de diya.
Dhurandhar Ki Raftaar Dekh Kar Ready Rehna
Dhurandhar jis speed se bhaag rahi hai,
Bollywood ke saare records khatre mein hain.
23 January 2026 ko Border 2 aane se pehle,
Dhurandhar ke raaste mein jo bhi aayega—
choor-choor ho jaayega.
Film ka third week bhi badi-badi films ke lifetime se lamba jaane wala hai.
March Mein Aane Wala Hai Asli Toofan
Pushpa 2 ka 800 crore dream
shayad is baar dream hi reh jaaye.
Kyuki March mein Dhurandhar 2 aa rahi hai.
Sirf 3 mahine baad.
Is baar industry ladne ke bajaye
red carpet bichhaayegi.
Kyuki paisa kisi ko bura nahi lagta.
Dhurandhar Ka Bukhaar Ab Rukne Wala Nahi
Baat yahan tak pahunch chuki hai ki film experts KGF ke Yash ko bhi keh rahe hain
ki 19 March ko aane wali Toxic se takraane se pehle soch lo.
Dhurandhar ab sirf dangerous nahi, zehreeli ho chuki hai.
Socho—kisi ne kabhi socha tha ki Yash ko bhi kisi film se darr lagega?
Final Thought: Ab Faisla Aapke Haath Mein Hai
“Hindustan ka sabse bada dushman Hindustan hai,
Pakistan number do pe aata hai.”
Is dialogue ko jhootha sabit karna hi hoga.
Dhurandhar + Dhurandhar 2 = 2000 crore
tab jaa kar hi rukenge.
Bolo, lagi shart?
Sach-sach batana— aap kitni baar dekh chuke ho, aur kitni baar dekhna chahoge?
Comment section khula hai.
Hit, Flop ya Blockbuster—
soch samajh ke jawab dena.
Take care. Bye-bye.