Dhurandhar Movie Story
Dosto, aaj hum lekar aaye hain saal ki sabse dhamakedaar film Dhurandhar ka complete explanation.
Ek undercover agent, dushman ke desh ke beech-beech, aur ek aisa mission jo poore Pakistan ka future hila sakta hai.
Saazish, politics, gangwar aur Dhurandhar ka asli chehra — sab kuch jaanenge iss explanation me.
Movie ki Shuruaat – Kandahar Hijack (1999)
Film ki opening hoti hai 30 December 1999, Kandahar airport par, jahan kuch terrorists ek airplane hijack kar lete hain.
Unki demand hoti hai ki India me pakde gaye 3 terrorists ko chhod diya jaye.
Yahin entry hoti hai
- Ajay Sanyal – IB (Intelligence Bureau) Director
- Devvrat Kapoor – Foreign Minister
Dono negotiation karke saare passengers ko safe nikaal lete hain.
Lekin jaate-jaate terrorists jo baatein bolte hain — “Hindu darpok hote hain, tum kuch nahi kar sakte” —
yeh sirf Ajay ko hi nahi, balki audience ko bhi gussa dila deta hai.
Ajay yeh baat RAW aur government ke top officials ke saamne rakhta hai, lekin uski baat ko lightly le liya jaata hai.
Parliament Attack – 13 December 2001
Phir scene cut hota hai 13 December 2001 par.
Ek car tez speed me aati hai aur Indian Parliament par attack hota hai.
Yeh scene film me real footage ke saath dikhaya gaya hai, jo impact ko aur bhi strong bana deta hai.
Police firing ke baad terrorist khud ko bomb se uda leta hai.
Yahin milte hain
- Sushant Bansal – IB ke Deputy Director
Ajay ko report milti hai, aur woh kehta hai:
“Mujhe pata tha kuch hoga… bas itni jaldi hoga, yeh nahi socha tha.”
Government pressure me aati hai aur wahi purana plan, jo 2 saal pehle ignore kar diya gaya tha, finally approve hota hai.
Operation DHURANDHAR
Hamza Ali – Mission Pakistan
Yahan se film enter karti hai Pakistan me.
Hamza Ali ek dhabe par kaam maangta hai, lekin mana kar diya jaata hai.
Raat me local gunde usse peet dete hain, lekin police aa jaati hai.
Agli subah dhaba owner usse khana deta hai aur kaam par rakh leta hai.
Use samajh aa jaata hai — Hamza “apna banda” hai, matlab India ke liye kaam kar raha hai.
Gang Politics – Rehman Daku aur Babu Daku
Ek saal baad, Hamza ko local underworld ka poora structure samjhaya jaata hai:
- Rehman Daku – sabse powerful
- Babu Daku – psycho killer
- Baloch aur Pathan gangs ka area division
Plan banta hai ki agar Hamza, Rehman ke bete ki jaan bacha le, toh uski entry Rehman ke gang me ho sakti hai.
Shaadi ke mahaul me attack hota hai.
Hamza chhote bete ko bacha leta hai, bada beta mar jaata hai.
Hamza paise lene se mana kar deta hai aur bolta hai:
“Aapne hume pehchaan di… maine sirf apna karz chukaya hai.”
Yahin se Rehman ka trust Hamza par build hota hai.
Fake Currency, ISI aur Badi Saazish
Hamza dheere-dheere Rehman ke gang ka core member ban jaata hai.
Yahan entry hoti hai:
- Khannani Brothers
- ISI Chief Major Iqbal
Fake currency, weapons aur India me bade attack ki planning hoti hai.
Pehlan date hoti hai 3 October, lekin jab India ko hint mil jaata hai, plan shift hota hai.
Aur phir hota hai 26/11 Mumbai Attack.
Yeh moment Hamza ko andar se tod deta hai.
Love Angle – Hamza aur Ellina
Ellina, politician Jameel Jamali ki beti hai.
Love angle film ko emotional depth deta hai, lekin yeh pyaar hi aage chalke blackmail, betrayal aur power game ka weapon ban jaata hai.
Double Game, Betrayal aur Final Mission
SP Chaudhary, Jameel Jamali aur Hamza — teeno milkar Rehman ko trap karte hain.
Forest chase, gunfights, betrayal aur finally…
Rehman ka end.
Big Reveal – Hamza ka Asli Chehra
Last me reveal hota hai ki Hamza ka real naam Jasreet Singh hai.
Woh ek convicted criminal tha, jisse IB ne Operation Dhurandhar ke liye use kiya.
Mission simple tha:
“Dushman ke ghar me ghuskar, unka system andar se tod do.”
Aur mission successful raha.
Ending & Part 2 Setup
Film yahin khatam hoti hai, lekin tease milta hai Dhurandhar Part 2 ka.
Next chapter aur bhi bada, aur bhi dangerous hone wala hai.