Dhurandhar Movie Review
Kisi film ka trailer kam aur insaanon ko kitne ajeeb-gareeb tareekon se maut di ja sakti hai, uski dictionary zyada lag rahi hai.
3:30 minute ka Dhurandhar trailer dekhkar yahi bola tha — aur 3:30 ghante ki film ne 3 second bhi nahi lagaye is baat ko sach sabit karne me.
Ye dono same looks dekhkar bewakoof mat ban jana. Wahan sirf ek Animal aaya tha, yahan poora ka poora Z aa gaya hai. Chidiyaghar full of jaanwar.
Toh seedha sawaal aapke dimaag me hai — Dhurandhar dekhni chahiye ya nahi?
Thoda time lagega, but jawab aisa milega ki koi confusion nahi bachega.
Dhurandhar: Kahani Ki Shuruaat
Pehle chhota sa intro. Dhurandhar — aakhri ke chaar latest director ka naam aur beech ke teen hero ke naam se judkar Operation Dhurandhar shuru hota hai.
Pakistan ke andar ek doosra Pakistan banane ki taiyaari chal rahi hai.
Film me kahani yahin se chalti hai —
“Jeete toh Karachi tumhara. Karachi par kabza kiya toh poora Pakistan jeet liya.”
Is naye Pakistan ka Prime Minister hoga Rehman Dakait.
Isko dhokha dena matlab maut se haath milana.
Nick name hai Kasai — aur photo hi kaafi hai wajah samjhaane ke liye.
Characters Jo Film Ko Zinda Bana Dete Hain
Saamne khada hai Major Iqbal, jisko aam bhaasha me Ghost bolte hain —
jo dikhega nahi, sunaai nahi dega, par Mumbai 26/11 jaise attacks karta rahega.
Insaan aur shaitaan se bhi upar hai jinka saaya.
Liari pe chhaya hai naye Pakistan ka raaj.
Wazir hai, sipahi bhi chahiye —
SP Chaudhary Aslam, profession se police aur shauk se gangsters ka baap.
Baap se yaad aaya — meet new father of Pakistan.
Pados me rehte hain, guda bhar ka zor laga ke jo ukhaad pao, ukhaad lena — aur bas ukhaad liya.
Hamza, Rani Aur Tash Ki Gaddi
Hamza — naam jitna rangeen, utna hi feeka us khoon ke laal rang ke saamne,
jisme poora Liari… matlab New Pakistan doobne wala hai.
Par tash ki gaddi tab tak poori nahi hoti jab tak rani na ho. Aur agar rani hai, toh raja Hamza ko banna padega. Phir Rehman Dakait ka one-two ka four karna padega.
Kaise?
Yahi sawaal Dhurandhar ko dhurandhar banata hai.
Violence, Politics Aur Twist Ka Tadka
Jab film me khoon-kharaabi hadd paar kar jaati hai,
ek normal si kahani me twist, thrill, suspense aur politics ka tadka lag jaata hai.
Poora crime network itni detail me dikhaya gaya hai jaise director khud kabhi special agent rahe ho.
Uri se Dhurandhar tak ke 6 saalon me Aditya Dhar ne public ko theatre se seedha Pakistan pahuncha diya.
Runtime Jo Dhokha Nahi Deta
3 ghante 34 minute ki film,
jiska 2 ghante ka first half khud me ek poori film jaisa hai.
Aur climax tak bhi khatam nahi hoti —
kyunki March 2026 me Dhurandhar 2 se mulaqat honi hai.
Ye Film Sharmati Nahi
Film khaas hai kyunki ye sharmati nahi.
Jo dikhana hai, bina filter dikhati hai —
chahe Pakistan se nafrat ho,
ya 40 ke hero ke saamne 19 ki heroine khadi karna aur use justify karna.
“Hindustan ka sabse bada dushman khud Hindustan hai. Pakistan number do pe aata hai.”
Aisi controversial line khuleaam bol dena —
isko sirf cinema samajh rahe ho toh bahut bhole ho aap.
Action, Blood Bath Aur BGM
Clear bolun?
Bhool jao Marco, Animal, Hit 3 jaise movies.
Yahan blood bath literal hai.
Itne creative tareeke se logon ko maara gaya hai ki aap confuse ho jaoge —
tareef karun ya aankhein band karun.
Goliyon ki awaaz hi BGM hai.
Background music aur khoon hi special effects hain.
VFX wagarah ka drama nahi.
Akshaye Khanna Steals The Show
Is film me koi chilla-chilla ke khud ko hero nahi bolega.
One-man show bilkul nahi.
Isiliye main actor par Akshaye Khanna ka character bhaari padta hai.
Bhool jao Ranveer Singh.
Akshaye Khanna ke liye hi Dhurandhar ka ticket book karo.
Negative role me bhi dil aa jaata hai.
Itne ghamand ke saath role kiya hai jaise Bollywood se poora badla nikaal liya ho.
Performances Jo Yaad Rehti Hain
Akshaye Khanna ke baad hero number two hai film ka action aur music.
Arjun Rampal ka use thoda kam hai — second part me zyada hoga.
R. Madhavan bandook se nahi, shabdon se goli chalaate hain.
Sanjay Dutt ki entry zaroori aur best hai.
Aur film ko khatam Ranbir Singh ne kiya —
haters ko tamacha maar diya.
Kuch Weak Points Bhi Hain
Romance angle thoda weak lag sakta hai.
Ending ko beech me chhodna khatak sakta hai.
Par overall —
Action + Emotion ka hate-proof cinema hai.
Final Verdict
Paanch me se 4.7 stars.
Bold film, strong message, zabardast acting aur khatarnaak action.
Har type ki audience ke liye nahi hai.
Violence warning, gaaliyan bhi kaafi hain.
Family ke saath nahi ja sakte toh akele chale jaana.
Theatre experience miss kiya toh baad me pachtaoge.
Q1. Kya Dhurandhar dekhni chahiye?
Agar intense action, politics aur bold cinema pasand hai, toh haan.
Q2. Kya Dhurandhar family ke saath dekh sakte hain?
Nahi, film me heavy violence aur gaaliyan hain.
Q3. Dhurandhar ka runtime kitna hai?
Lagbhag 3 ghante 34 minute.
Q4. Kya Dhurandhar ka sequel aayega?
Haan, film ka end Dhurandhar 2 ke liye setup karta hai.
Q5. Film ka strongest point kya hai?
Akshaye Khanna ka character, action aur political intensity.