Dhurandhar Box Office
2025 ka sabse bada miss chance wo raha jis par film banane walon se zyada gussa film dekhne walon ko aaya.
Kantara Chapter 1 — Rishab Shetty ki world-class acting, zabardast spiritual angle, aur Indian cinema ka one of the best theatre experiences.
Phir bhi film ka lifetime business around 850 crore par hi ruk gaya. Teen zero wala 1000 crore ka sapna, sapna hi reh gaya.
Aur isme galti public ki nahi thi, balki promotion ki. Sirf achchi film banana kaafi nahi hota, usse achche se bechna bhi aana chahiye. Warna box office numbers me ek zero apne aap kam ho jata hai.
Dhurandhar: Next Big Thing Se “Flop Narrative” Tak
Bilkul aisa hi kuch haal Bollywood ki film Dhurandhar ke saath hua.
Release se pehle har koi bol raha tha — “The next big thing.”
Release date bhi wahi choose ki gayi jahan pichhle do saalon se back-to-back records bane.
- Posters khatarnak
- Teaser zabardast
- Trailer ekdum fire
- Music tabahi
- Actors ki depth me ghuse to bahar aane ka rasta nahi
Phir achanak shuru hua film ko neeche girane ka ek poora movement.
Movement isliye, kyunki log apna kaam-dhanda chhod kar bas yahi prove karne me lag gaye ki:
- Film 15 crore se zyada kama hi nahi sakti
- Part 2 kabhi banega hi nahi
- Pehla part hi flop ho jayega
Aur kamaal ki baat — ye sab film release se pehle likh diya gaya.
Baad me khud film ka review bhi nahi diya.
Asli Problem: Actor Ya Filmmaker Nahi, Subject Hai
Film dekhne ke baad ek baat bilkul clear ho gayi —
Hate ka reason actor ya filmmaker nahi, balki strong deshbhakti wala subject hai.
Itni imaandari aur sachchai se dikhaya gaya content har kisi ko hazam nahi hota.
Ye sab kaun karwa raha hai, kyun karwa raha hai — public sab jaanti hai.
Aur public itni bhi bewakoof nahi ki achchi film aur jabardasti bura bolne ke beech ka farq na samjhe.
5 December 2025: Jab Predictions Ko Zordaar Tamacha Pada
5 December 2025 Bollywood ke history me yaad rakha jayega.
Us din “paise fenk, tamasha dekh” gang ke chehron par zordaar tamacha pada.
Dhurandhar ka Day 1 collection:
➡️ ₹28–30 crore
Jabki prediction sirf aadha tha.
Collection aate hi naya narrative shuru:
“Makers khud tickets kharid rahe hain.”
Sach batao — kya kisi ne notice nahi kiya:
- Mumbai me public demand par raat ke 12, 1, 2, 3 baje shows add hue
- 1 ghante me 2500–3000 tickets makkhan ki tarah bik gaye
Social media khol ke dekhna hi kaafi tha — jahan pehle bakwaas likhi ja rahi thi, wahi public ab Dhurandhar ko praise kar rahi thi.
Akshaye Khanna, Aditya Dhar Aur Research Ka Level
Kitna zabardast kaam kiya hai Akshaye Khanna ne —
Negative role me hote hue bhi lead actor par bhaari.
Aditya Dhar ka research itna solid hai ki bina Pakistan jaaye, Pakistan ko India le aaye.
“Achha Pakistan, bura Pakistan” jaisa man-ghadant gyaan nahi diya.
Isliye honestly lagta hai — 28 crore bhi kam hai.
Proper promotion hota to 40 crore day one bhi impossible nahi tha.
Box Office Maths: Budget, Hit Ya Blockbuster?
Sab emotional baaton ke beech ek cheez ignore ho rahi hai — film ka maths.
- Dhurandhar ka approx budget: ₹280 crore
- No-loss zone ke liye: ₹300 crore
- Clean Hit: ₹400 crore
- Superhit: ₹500 crore
Good news ye hai ki January 2026 tak koi bada competitor nahi aane wala.
Matlab theatres me dhuaandhaar kamaai ka full chance.
2 Parts Strategy: Long-Term Game
Bahut kam log baat kar rahe hain is baare me ki Dhurandhar ek nahi, do parts me aa rahi hai:
- Part 1: December
- OTT Release: February
- Part 2: March 2026
Perfect planning.
Part 2 ka day-one dekh kar pata chalega ki “samosa gang” ke aloo ka kya hoga.
Final Thoughts: Decision Aapka Hai
Ab baat cinema lover to cinema lover.
- Aap Dhurandhar ke content se kitna connect hue?
- Kya film ne expectations ke saath insaaf kiya?
- Film ko neeche girane ki asli wajah kya ho sakti hai?
Comparison spy universe se hoga, actor ka comparison Animal Ranbir Kapoor se hoga —
Isliye shak bhi wahi jaata hai.
Dhurandhar ki kismat ka faisla aap karoge
Hit?
Flop?
Ya Blockbuster?
Q1. Kya Dhurandhar sach me flop ho rahi hai?
Nahi. Day 1 aur early trends clearly dikhate hain ki film strong opening ke saath aayi hai.
Q2. Dhurandhar ka approx budget kitna hai?
Lagbhag 280 crore bataya ja raha hai.
Q3. Dhurandhar 2 kab release hogi?
March 2026 me release hone ki planning batayi ja rahi hai.
Q4. Dhurandhar ko itni hate kyun mil rahi hai?
Strong deshbhakti subject aur bold presentation har kisi ko comfortable nahi lagta.
Q5. Kya Dhurandhar OTT par bhi aayegi?
Haan, February ke around OTT release ki baat kahi ja rahi hai.